Влес Кнiга  Iсходны словесы | Выразе | Азбуковник | О памянте | Будиславль 
  на первую страницу Весте | Оуказiцы   
Песни Угорской Руси, собраныя Талапковичем, бывшим священником в Белках
от 06.11.08
  
О памянте



1 Ой на горе, на долине,
Широк листок на калине,
Еще ширший на яворе:
Стоит мила на розмове.

Где ты милый, пробываешь,
Што за мене не гадаешь?
- Пребываю край Дунаю,
Я за тебе все думаю.

Кобы човень и веселце,
Ночовать бы у тя сердце;
А ни човна, ни повода,
Мушу ночевати дома.

Тече вода реченьками,
Плаче мила слезеньками.
Не плачь, мила, не журися,
Я молодый, не женився.

Коли буду женитися.
Прийди, мила, дивитися;
Коли буду венчатися,
Приди мила прощатися.

Скажу пива наварити,
Горелочки напалити,
Тебе, мила, запросити,
Конец стола посадити.

- Твое пиво ми не мило,
И палёнка твоя горька:
Где ты милый верни слова
Што ты не мой, я не твоя?

Твои братья тебя били,
Обы мы ся не любили;
Твои сестры проклинали,
Обы мы ся не собрали.

Твоя мати чаровниця,
Великая розлучниця,
Розлучила мя с тобою,
Як рыбоньку ись водою.

2 Доле, ж моя, доле,
Нещастная доле!
Засеяла девчинонька
Мысленьками поле.

Чорными очима
Та й заволочила,
Дробненькими слозеньками
Все поле зросила.

Не родится жито,
Трава зеленая:
Уже бо я во пеленках
Была нещастная.

Цы ты мене, мамко,
В церковь не носила,
Што ты мине от Богонька
Дольку не впросила?

- До церкви мь ходила,
Богу мь ся молила,
Така ти ся, моя донько,
Долька осудила.

- Цы я тобе, мамко,
Трески не сберала,
Што ты мою доленьку
Богом проклинала?

Боже милостивый,
Цы то воля твоя?
Цы всем людем така беда,
Цы лишь только моя?

Боже справедливый,
С высокого неба,
Отбери ми мое жите,
Бо ми то не треба!

3 Ой Боже мой, который
Створив небо и зори,
Потешь мене сироту,
Най забуду хлопоту!

Через речку, через ставь
Любив мене, переставь
И я его любила,
Бо мь до него ходила.

Гей, Боже мой, где тот ставь,
Где мой милый на ночь став?
Кричу, плачу, не чуЕ,
Най ис Богом ночуе!

Нещастная чужина:
Роком стала година,
Сердце тяжко вздыхае,
Що щирости не мае.

Цы легаю, вставаю.
Все о тобе думаю:
Прийди, прийди раненько:
Потеш мое серденько!

4 Гей ты, девчино,
Ты розумом блудишь,
Сама ты не знаешь,
Кого же ты любишь -

Гей, знаю, знаю,
Кого я кохаю,
Лишь то не знаю,
С ким я жить маю -

Гей ты, девчино,
Ты горда и пышна,
Чом ты до мене
З вечера не прийшла?

Гей, як я маю
До тебя ходити?
Будут нас люде
Вороги судити.

5 Ой Боже мой Боже!
Беда моя двояка:
Маю мужа блуда,
Ще к тому пияка!

Кобы была мь знала
Свою бедну долю,
Скочила мь бы была
Во глубоку воду.

Та бы была мь плыла
Руно с берегами,
Там была мь ся найшла
С своими врагами.

Ворогове мои,
Не ругайте на мя,
Щто ми было мило,
Узяли сте от мя!

Мамко моя, мамко,
Выйми мя з неволи,
Буду тобе мыти
Твои белы ноги.

- Ой хоть бы ты мыла
И все полокала,
Кедь тебе, донька ма,
Зла доля побила.

- Мамко  моя, мамко
Где я в тот час была,
Отколь ты мя, мамко,
На свет народила?

Гей бо я не пила,
Ни красна ходила,
Лишь все памятаю,
Што мь тяжко робила.

Не дякую я ти
За твою годувлю,
Штось ми не прибрала
Мому личку рувню.

6 Кажуть, што не дадут
Мене за любонька,
Ай дадут за того,
За шесть воловного
Чорногуняника.

Ано мое рыбля,
То кротко зрить на мя,
Двойну его цюлю
За шесть воловую
Цену лишь не дам я.

7 Смотри, миль ми,
До очат,
Што ти ся з них
Вычитать?

Сама правдиця,
Сама правдиця,
Ты есь ангельская
Ряхтяна звездиця.

8 Там в поли могила
С ветром говорила:
Не дуй, ветре, не дуй,
Не дуй быстресенький,
Чей бы мь ся розцвила!
Чей бы мь ся розцвила,
Красненькими цветы,
Красненьким кветочком,
Зеленым бервенком,
Молодыми леты.

Нежь сонце изыйде,
Нежь ворон закранче,
Дробненькими слезы
Молодец жалобный
На могиле плаче.

Даремно, молодче,
На могиле плачешь:
Не пробьешь слезами
Святую землицю,
Миленькой не вбачишь!

9 Кедь я собе изгадаю
За давние лета,
Так мя слезки обливают
Што не вижу света.

Кедь я собе изгадаю
Давни давниночки,
Скажу собе завязати
С платом головочку.

Журив есь ся, нудив есь ся,
Як мене любити,
А теперь ся журиш, нудиш,
Як мене лишити.

Або мене, любцю, люби,
А хоть мене лиши,
А хоть мои очинята
На папери пиши.

Закукала зазуленька
Кукала вна бела
Иншу милу любку маешь,
Я сама видела.

Иншу милу любцю маешь,
На правде ся лаешь,
Прийде така годиниця,
Што мя изгадаешь.

Любив еся мя, мой миленький,
Тому е полгода,
Не сталася ты в пробытку,
Жадная пригода;

А як есь явь, мой миленький,
Иную любити,
Яла ти ся пригодиця
Всяка находити.

10 Чую, чую через людий,
Дают мене знати,
Ей што хоче моя мила
З вечера вмерати.
Кедь вна умре из вечера,
А я умру з ранку,
Та даме ся испрятати
Во одну ямку.
Та даме ся испрятати
Вкупе головами -
Штобы была размовонька
И там межи нами!

11 Из неделоньки
На понедельчик
Ой темненькой ночи,
Прийшли рекрутды,
Связали руки,
Выплакала чорныи очи.

Малое потя
Невеличкое
По конькови скаче:
Бедна маточка
Нерозсудная
За рекруточкой плаче.

12 Чомусь не прийшов,
Чомусь не прийшов,
Коли я тя кликала?
Цы сь коня не мав,
Цы сь сам не хотев,
Цы мамка не казала?

- И коня ему мав
И сам ем хотев
И мамка ми велела.

Найменша сестра
Богдай не зросла,
Седелце устулила!

13 Прийду до тя в неделю,
Найду тебе як лелию,
(Припев) Катеринко моя,
Чорнобрывко моя!
Прийду до тя в понеделок,
Найду тебе як бервенок,
Прийду до тя в самый второк,
Найду в тобе красот сорок,
Прийду до тя во середу,
Найду тебе як березу,
Прийду до тя во четвер,
Найду тебе як теперь,
Прийду до тя во пятницу,
Найду тебе як косицю,
Прийду до тя во субботу,
Заплачу ти всю работу.

14 Веют ветры.
Веют буйны,
Аж деревья гнутся,
Тужить, болит,
Сердце мое,
А слезы не льются.

Где ты мила,
Чорнобрива,
Где ты озовися?
О як я без тебе гину,
Прийди подивися!

В лютой горе
Лета трячу,
А щастья не бачу,
Только ми ся
Легче стане,
Коль трошки поплачу.

15 О як дуже за тобою
Тужит сердце, мила!
Коль згадаю, што мь тя любил
И ты сь мене любила.
В ночи не сплю
День ми смутный,
Все гадка о тобе;
Жити буду
Не забуду
Любовь скончу в гробе.

16 Ой Марико, подай венец,
Бо вже я твой та паробец;
Ой Марико, подай оба!
Бо вже я твой, а ты моя.

Ой Марико, подай ручку!
Не чекай мя сего рочку!
Ачь не прийду за рок, за два,
Не чекай мя больше нигда!

Через Тису кал, болото:
Подай ручку, ты золото!
- Ой миленький мой небоже,
Што ти ручка ма поможе?

Эй мой милый неборачок,
Поклал ручку на облочок;
Камянное сердце мь мала,
Што мь му руку не подала.

17 Еще в поли по листовки
Мушу пойти по светковки -
Иди, иди, обы сь не став,
Коли сь мене обманивав -

Могла сь мила, добре знати,
Што я знаю обманути;
Бо я очка чорна маю,
Обману ти добре знаю.

18 Долино, долино,
Люде тя й зорали,
Бог дай на тя, Иванку,
Мои слезки впали,
На тебе, на тебе
И на твою душу:
Бо я через тебе
Починути мушу.
Прогневался милый,
Ай бо й я на него,
Не ходив до мене,
А я ни до него.
За што ся прогневав?
За марно словечко,
Што мь му не казала:
Будь здоров, сердечко!
- Любила м то верно,
То все люде знали,
По ниже Мукачова
Там го звербовали.
На реце китици
На дубе основы:
Кто еи основав?
Иван из Пряшова.
Писав на мя, писав,
Два листы, не един,
Обы не плакало
Мое сердце за ним.

19 Пила мила, пила,
Та й мине велела:
Напийся, миленький,
Чей бы сь румяненький!

Встань горе, миленький,
Бо вже день беленький
- Не цыгань, миленька,
Ще ночка темненька!

20 Где ты была,
Мила с ночи?
Променяла сь
Чорни очи.

- Ой я была
В загородци,
Там чекала мь
Красны хлопци.

Била мамка
Мя на волю
От тогды ся
Страшно бою,

Яка ночка
Темненькая,
Всб сь миленьким
Перестою

Били мене
Мамка й с ночи,
За Иванковы
Чорны очи;

Била с ночи,
Буде опять,
За молодых,
Душко, хлопять.

21 Ой на горе
Дуб дуплевый:
В мене милый
Кучерявый.

Кучерями
Потрясуе
Бляшку вина
Росказуе.

Мера вина -
Не новина,
Поцелуй мя,
Моя мила!

- Щто бы я тя
Целовала,
Давном тобе
Ручку дала.

Напиймеся.
Коль сме вднука,
Тверда зима
Он ся пукать.

- Терпи милый,
Терпи хоть раз,
Я терпела
За тя не раз!

- Анде гусли,
Близко скрини,
Прошу, люба,
Подай мине!

Най загуду
Жали свои:
Гусли мои,
Яворови!

22 Побили, забили,
Голубка сивого,
Я ся напудила,
Ож мого милого.

- Побиди, убили,
гусочку гривеньку,
А я ся напудив
Ож мою миленьку.

23 Солодка, ма мамко,
Тяжко мини жити!
Чом есь мя не вчила
Маленьков робити!

- Я тебе учила,
А ты ся не брала,
Про то тва головна
Беды ся дождала.

- Я ся отдавала,
Обы газдовати,
А я по светкови
Должна вандровати.

24 Писала Краина
З Хуста до Будина,
Што бы нам заслали
Червеного вина.

Бо червено вино
Во погаре скаче,
Не една повгарка
За повгарём плаче.

Не плачьте, повгарьки,
До раз вернемеся,
Пойдеме до Ведня,
Муштру навчимеся.

25 Добре тому, добре,
В кого любки по две;
Еще тому лепше,
У кого побольше.
Не сею, не орю,
Само ми ся родить,
Таку маю любку,
Сама за мнов ходит.
Не я за нев, не я,
Ай она за мнов,
Як тота овечка
За зеленов травов.

26 На горе бубнуют
Под горов таньцуют,
Воловски легени
В гусари вербуют.
Най они вербуют,
От кола до кола,
Вже они не звербуют
Моего сокола.

27 Васильку, Василю!
В городце тя сею,
Не пиши палички,
Не дури девочки!
Бо маленьки дуришь,
А велики любишь,
Твердо тя проклянут
Нигда ся не вженишь.

28 За всю беду, неволицю,
Пойду скочу в млиновицю,
То там мене рыбка поесть,
А кто моей мамце повесть?
Поведят ей добре люде,
Ей як мене больше не буде,
Буде мамка заводити,
Не годна плачь утолити.
Плавле кача по ныреви:
Повежь, рыбко, Василеви!
Василь не мой, я не ёго,
Што не сижу коло нёго.
Идёть ёго приведете,
Коло мене положете,
Най я ёго поцелую,
Его ручку золотую.
По подь тай, де, зеленький,
Ишоль хлопец молоденький,
Сердце му ся розрывае,
Што милую не видае.

29 Там мо милый лесом иде,
Малёваны дрыва везе;
Продав дрыва малёваны,
Купил чижмы кордованы,
Я ся в чижмы та обую,
Весь вербунок извербую.
Через одну любасочку,
Маю ити во войночку,
До войночки не пойдеме,
Женитися не будеме.
Заки буде по девчине,
Все молодци та будеме.
Где ты, мила, пробивала,
Коли вода выливала?
- А я была при бережку,
Держала мь ся за березку,
За березку, за тернину,
Кликала мь ся на родину.
Рубаю я яворину,
Она паде на долину,
Из долины на мураву,
Приклонь, мила, свою главу,
Ащь не главу, ано личко,
Солодка ма ластовичко!

30 Теце водиця
Из под яворця
Ледова,
Идее ма мила,
Красна прибрана,
С Сигота.
Гей дубе, дубе,
Зеленый дубе,
Дубина!
Несе мой милый
Червлены чижмы
С Савлюша.

31 Чия тото красна нивка?
Люба бы му всяка днинка:
Ай кто си розно орав,
Горазд бы ся не все имав!
А кто еи зерном сеяв
Золотом бы любо веяв,
А кто еи подовжь смычив,
Солодко бы ся выночив!

32 Рубай, рубай, не поставкуй,
Як нарубаш, домой вандруй!
Беда бы то вандровала,
Коли мь уже навновала.
Вандруючи, ножки болять,
А роблячи, ручки горять,
Так нам тяжко працовати,
Коль хочеме да что мати.
Склоняеся сонце долу:
Пущай нас, газдо, до дому!
- Не пущу вас, небожата,
Бо ще нивка недожата. -
Буде завтра красна днина,
Та дожиеся ваша нива,
Заспеваем Богу слава,
А вам, газдо, век здоровля.

33 Анця до воды,
Иван от воды:
Ай почекай, бела Анце,
Вльешь волОм воды!
Ей я не вмею,
Бо я не смею,
Паде роса, а я боса,
Ей гой, Янгию!

34 Не рубай, не щакай,
Зеленого дуба:
Не целуй, не вбнимай,
Коли мь ти нелюба!
Не рубай, не щакай,
Най ся зеленее:
Не бери прегорду,
Най ся постарее!
Бреду речку, бреду,
Реченка реняна:
Смочилося платье,
Анница белява! -
Речку и я бреду,
На березе буду,
Глядай собе, любый,
Про мене другую!
Глядай собе, глядай,
Пусту, задаремну,
Што сь мине даровав,
Назад тебе верну.
Не рубай, не стреляй,
Очима в одверки,
Ходили та й будут
До Анны женихи.

35 Така мь слава ти росиця,
Не йду домов без Федорця:
Он наперед, а я сзаду,
Все ся взирать, ци не впаду.
Через Дунай, через Тису,
Ступай, мила, бот я лишу. -
Не Леши мя, бой ся Бога,
Бо я с тобов пойти годна.

36 Ой подь, Боже, до нас,
Бо теперь у нас гораздь,
Та й ты, Божая Мати,
Веночки починати!
Раскололася верба
Од верха до короне:
Взята марийка, взята,
От отца, от матерее.
Полём, Марийко, полём,
За нёв Иванко конём,
Явь еи догоняти,
Явь еи звездовати;
Чия ты Марийко, чия?
- Нянькова та мамчина,
А теперь емь твоя,
Прави тоби сужена.
Бервенчик хрещатый!
То ты рано зацвив,
Иванкови за шапочку,
Марии за косочку.
Ой где Иванко сидит,
Там ся стеночка светит,
А где Марийка сидит,
Коло ней ся яснит.

37 Поки емь ся не вженив,
Я в чоботки цорк, цорк!
А як емь ся оженив,
Я в постолех шлёп, шлёп!
Гой я шумундра!
Моя мила, та й мудра!
Поки емь ся не вженив,
Шапка в мя рогачка,
А як емь ся оженив,
Теперь пометачка.
Гой я шумундра! и проч.
Поки емь ся не вженив,
За клобушком кветка,
А як емь ся оженив,
Пропала до детка!
Гой я шумундра! и проч.
Поки емь ся не вженив,
С семьма мь коньми сватав,
А як емь ся оженив,
Шапкович гачи мь латав.
Гой я шумундра!
Моя мила, та й мудра!

38 Антам горе, при яворе,
Камень муку меле:
Слухай, девча, чорнобрывча,
Ци подешь за мене?
- Ой не поду, та й не люблю,
С далекого краю,
Будешь бити, неволити,
Родинки не маю.
Походив ем, походив ем,
Коло тои кучки:
Загубив ем, загубив ем,
Постолы и внучки
Хоть я тоту кучу дручу
Хоть еи запалю,
Най она ми не завдае
Тверденького жалю.
Ты Иванцю, не бий Анцю,
Бо не маешь за що,
Бо Анниця роботниця,
А ти сам ледащо.
Бо Аннины колопеньки
На лёду зацвели,
А твои, де опученьки
За кошом погнили.
Не буду я воду питии,
Вода студененька;
Не буду я жену бити
Жена молоденька.
Ударив еи голый раз,
Тело помарнело,
Ай бо й плакав я дораз,
Чей бы не болело.

39 Ой небоже Волощуку,
Не люби ты леда суку:
Люби, де, ты ба й Русочку,
Беленькую як гусочку!

40 Яворовы трески тешу:
До милой босой чешу;
Бы подошвы не рыпели
Подковочки не звинели,
Обы псики не брехали,
Вбы суседки не й зознали.

41 (при пряденью) Куделе ворожее,
Бедка тебе прясти може!
Я тя вержу под лавицю,
Сама выйду на вулицю.
Сором буде Мому лицю,
Што не пряду куделицю.

42 (на гостин в кума)
Коло млина, млина,
Зацвела тернина:
Гей у мого кума
Солодка гостина!

43 Горы мои, горы,
Вы мои коморы!
А вы ялици,
Вы мои светлици.
Коли ми ся бучок розвив,
Зелена Сведова,
Не една бы опустела
Жидовска комора.

44 (Детские песни) Два кокоши жито молотили,
Две курочки чернушечку у млин поносили,
Баран меле, баран меле,
А цап мерки бере.
Гуска сее, гуска сее,
Гусак ости пряче,
Качка месит, качка месит,
Качур воду носит,
Мачка плеще, мачка плеще,
Мацур во печь мече.
Ой так ем ся повбертала,
Гурбу мь муки насеяла,
Такий ми ся хлебец удав,
По под кору мацур играв,
Горе хвощик задудурив,
Та й коры ся не дотулив.

45 Мыш кныш начала,
Муха киселицю выльяла,
Сверщок горшок прокусив,
Когут коня задусив
Не буду я бедов трясти,
А й буду я клочье прясти,
Ой маю я статку много,
Меща клочя ильяного.
Як ся хлопцы заладили,
Мотовилце поломили,
А я на то не гадала,
Коли печи обмотала,
И под печев кросна ткала

  

  
СТАТИСТИКА

  Веб-дизайн © Kirsoft KSNews™, 2001