Влес Кнiга  Iсходны словесы | Выразе | Азбуковник | О памянте | Будеславль 
  на первую страницу Весте | Оуказiцы   
Иван Вишенский. ИзвЪщение краткое о латинской прелести
от 24.01.08
  
О памянте


ИзвЪщение краткое о латинской прелести, заблуждении от пути истинного, лжи и хоробЪ смертоносного и погибелию вЪчною смердящого мудрования, еже о вЪрЪ, о церкви, о началствЪ, о ложном чистцу и прочая

Вопрос. Что есть прелесть? Ответ. Прелесть есть вмЪсто истинны ложь содержати и сию нудитися не сый сущую, яко сущую показати, аще и нЪсть мощно никакоже, ибо, еже есть не сый всегда и нынЪ было, како есть мощно сие осуществити и вмЪсто истинны утвердити и узаконити; аще бо и мнится показовати или твердити во лжи и прилести стояй, яко мнЪние его или закон самосмышленный научинного ткания человеческих умышлений есть добр или прав, но убо егда истинна яко сущая на мъсто сие идЪже лож утверждается и крЪпнет, тогда лож и мнЪние прелестного узаконения или державы, якоженаучина, растерзается и исчезает! истинна же сущая и непремЪнная неподвижно пребывает и явственно всъм себе творит, яко есть не временна, но въчне пребывателна и не от долных ползящих по земли скоро исчезающих помысл созданна и согражденна, но от совышше пресущественных силы троичного божества суще быти и никогда же не измЪнятися сотворена и основана и в любящих Бога и желающих жизни вЪчные излияна: правда бо, рече, премудрый, безсмертна есть. неправда же смерти снабдЪния; нечестевые же призваша ю и дружиню вмЪнише себЪ быти. Явственно же отсюду, яко иже не любит истинну, сей от Бога далече отстоит и во лжи и прелести обрЪтается. Тако бо и Спас рече к вЪровавшим в онЪ Июдеом: аще вы пребудете в словеси Моем, в истинну ученици Мои будете и разумеете истинну, истинна свободит вы. К невЪровавшим же сице отвЪща: вы отца вашего диавола есте и похоти отца вашего хощете творити. Он человЪкоубийца бЪ искони и в итиннЪ не стоит, яко нЪсть истинны в нем, и егда глаголет лжу, от своих глаголет, яко лож есть и отец лжи. Аз же зане истинну глаголю, не вЪруйте МнЪ. Кто от вас обличает Мя о грЪсЪ? Аще ли истинну глаголю, почто вы не вЪруете мнЪ. Иже есть от бога глаголы Божия послушает. Сего ради вы не послушаете, яко от Бога нЪсте. - Аще убо и латина, занеже не стоит в истиннЪ, не повинуется и не вЪрует истиннЪ, ниже послушает истинны, нЪсть ученицы Христовы. основателя истинны. Сего ради на их научинное и ложное мудрование, егда ся случит в бесЪды к ним входити или от них впрашаемом быти кратко-словного истинного, якоже шершенем на их сЪти некрепкие нападати. раздирати и обличати ложь и нетвердость их основы, о ней же мнится стояти и крЪпити, яко есть добра и сущая не сый же, православным подобает. И первое убо погуби латину главу, еже есть вЪру, о ней же рече Спас, яко да цЪло сохранена будет, змеиной хитрости приудобляя, еще: будете будете мудры як змия, и прочая.
Вопрос. Что есть мудрость змеина? Ответ. Се есть, еже главу цЪлу соблюсти, аще бо и плоть на части раздроблена будет, цЪлая же глава сию паки оживит. Сего ради и нам подобие змииного опастства и премудрости Христос показал, в раздробление и сожжении во время искушений, от диавола нанесенных, плотию предати себе повелЪл, главу же, же есть исповЪдание истиннее (в Отца и сына и святого Духа) вЪры, цЪло сохранити узаконил, ибо сия здрава глава. еже есть въра, на вскресение паки и плоть оживит и страданием сходотайствует; погубивых иже здравую главу. еже есть вЪру, аще и плотию здраво обносим есть, ни единого искушения не терпят, и жизнию сею, якоже оный богатый, в довольствах гобзует, обаче мертв есть. Что бо ползует человЪку, аще и увесь мир приобрящет, душу же свою отщетит, или что дает измЪну на души своей. ЯвЪ, яко ничтоже. Аще бо питающуюся вдову апостол Павел, к Тимофею ниша, живу умершу нарече, колми болшей погубивый вЪру мерт уже есть, аще и мнится жив быти плотским сим животом. Шедше бо, рече Господь исус, в мире ввесь. проповЪдити евангелие всей твари: иже вЪру иметь и крестится спасе и будет, а иже вЪры не иметь осужден будет. ВЪру же, глаголет, не голос исповЪдание, но дЪйственну заповЪдми, по Матфею, крестяще их во им Отца и Сына и Святого Духа.

  

  
СТАТИСТИКА

  Веб-дизайн © Kirsoft KSNews™, 2001