Влес Кнiга  Iсходны словесы | Выразе | Азбуковник | О памянте | Будеславль 
  на первую страницу Весте | Оуказiцы   
Иван Вишенский. Послание Иову Княгиницкому
от 24.01.08
  
О памянте


Боголюбивому брату ми, яже о ХристЪ, отцу Иову, в скитЪ в пустыни Марковой скитствующу, Иоанн грЪшный спасения алчет

Желание имЪх нынЪ посЪтити вас, но судьбы Божия и нЪкия болЪзни тЪлесныя преградиша; ельма же братия от Ксенова тамо ити устремишася, сими извЪстую тебЪ яже о Святой горЪ и нуждах ея. ВЪси, яко Святая гора раю подобна, аеровоздушным, чистотным и утЪшителным зефиром в отлучению мира содержима дыхающе; сия и нынЪ никакоже оскудЪ благодать, яже от воздуха. А яже нужду от навЪта диявола-миродержца, страстно владычествующего, страждет, в искупЪ жизни обрЪтающимся зде, не подобает ми время подробну изглаголати, точию, прочая скратив, изглаголю: от нели же приидох, не точию на келии, но и на пещеры двЪ погловщизны дукатов влЪзлЪ. Такожде и на Святую гору: от ней же бЪ товар один прежде соборного гарачу, нынЪ же и до четырех влЪзло. Аще же и тако аспрным нуждам Святая гора подлегла, но благодатию Христовою мир бЪ в конец доселЪ от входа турков и еничарского, и в благочестии Святая гора по древнему никако же оскудЪвает, аще не имать аспри. Изволив же жизнь, день пребыв, благодарю тя, Господи, и не пещюся о утрнЪм: от милостыни хранитися можем. Аз же сию жизнь не вомЪщу: от келии до келии и от монастыря до монастыря скитати, но в сей притчи стоим святогорской, глаголющей: хотяй, рече, во СвятЪй горЪ мировати и терпЪнием укоснути, или буди желЪзн или сребрен, еже толковати не хощу, вЪси бо сию притчю. ТЪм же сими двома и аз еще косним благодатию Христовою рукоделием и искупом, доколе течет принесенное от вас. Обаче желаю паки видети и посетити вас. ТЪм же извЪсти ми о своем мирЪ и что глаголеши о сем, дай ми глас. Аще ли и тебЪ нужда настоит от борения плоти, страстей и воздушных злобных духов поднебесных, к ним же нам брань гонза, и с сими калугери, аще не мощно и Дмитра занести. Ты же свою душу и мощи занеси. Аще ли от брани почиваеши и желаеши мое посЪщение, да вЪм. Болше не имам что глаголати, точию пану Петру спасение и прочим благодателям и знаемым метание сотворити рачь. По сем желаю, да сподобит нас Господь, еще в живых совокупився, утЪшение друголюбное словом друг другу даровати. Аминь.
Писася в СвятЪй горЪ, в неже время и соборное послание, в монастырЪ ЗуграфЪ; аще мыслный твоего преподобия за спасение вышереченный писал

  

  
СТАТИСТИКА

  Веб-дизайн © Kirsoft KSNews™, 2001