Влес Кнiга  Iсходны словесы | Выразе | Азбуковник | О памянте | Будеславль 
  на первую страницу Весте | Оуказiцы   
Иван Вишенский. Новина, или ВЪсть, о обрЪтении тЪла Варлаама
от 24.01.08
  
О памянте


Новина, или ВЪсть, о обрЪтении тЪла убитого Варлаама, архиепископа Охридского во градЪ ВелицЪ за истину пострадавшего и в рЪку зовомую Вардар въвръженного

Новина, или ВЪсть, о обрЪтении тЪла убитого Варлаама, Архиепископа Охридского во градЪ ВелицЪ за истину пострадавшего и в рЪку завомую Вардар вверженного, како обрЪтень быст, и послЪди до Охрида треблаженное оно тЪло пренесеся, и нынЪ во мертвых, паче же в живых сущему чюдо твори и Воскресния Таинство и надежду будущего вЪка проповЪдае, мира же и миродержца диавола обличае и в конец посрамляет.
По убиении убо и ввержении в рЪку Вардар блаженного онаго Оца, в то время гонения ради и навЪту и на прочия христианы, никтоже несмЪяше слЪдити оное тЪло яко извлече ее, но пребые убо нЪкую седмицу в водЪ, дондеже мало нЪчто плищь сей утишися и улаже от диаволов збуренных гнЪвно-яростных срдець турских. Таже поутишении сих.
В нЪкоей веси близу двох дний хода от града Велиса, быст муж добр житием, странно приемник, млстынидавец и нищелюбец, художеством рыболовь. Ему же глас быст в снЪ нощию: пойди глаголя на тую и тую страну рыбы ловити, будеши бо имЪти добр лов. Он же воставь от сна удивися явлению и абие устремися на ловление рыб в реченную оную страну, идеже ему узнаменано бысть. Таже приближаяся мЪсту тому на брезЪ рЪки бЪ древо стоящее, на нем же видЪ птищ бЪл неподвижно сЪдащ в образе орла; ему же доволно удивився, разсуждая что се есть, яко николиже бЪ видЪл такого видЪнием и образом. Таже повнегда дойти намЪсто то, и близу птища оного, вьзрЪл в край рЪки оное, и видЪ тЪло блаженного наверх воды изнесенное, на едином мЪсту неподвижно стоящее. Птищ же оный якоже страж нЪкий впери зрак просто блюды оное тЪло Архиепискпово по уязвлении и по главЪ том убийства и ввержения в рЪку. Тогда убо извлачит сие, и вносит в село то тайно, и при церкви поставляе дондеже погребсти сего бЪ умыселка, птичниц же от внесении оного тЪла вслЪд оного послЪдоваше, и горЪ над ним летяще, дондеже тЪло поставлено бяше, тогда и он на церкви сЪд тЪло блюдяще. Явилося ему в снЪ Варлаамь глаголя: внутрь церкве олтаря погреби мя, ибо азь о церкви постраждах и умрЪх. Таже боголюбец свойственным и съгласным извЪсти сусЪдом и созва сих на погребение оного тЪла. Егда же снийдошася онии мужии и священник, тогда творяху обычная послЪдования погребу належащая. Таже по совершению правила, внегда время приспЪ в гроб влагати оное тЪло, тогда начаша мнози прикасатися, яко да подвигнуть и в гроб внесут есть, им же ни мало порушитися не даде. Сие первое чюдо. Таже удивишася вси бывшему, и недоумЪвахуся, что быст вина сему неподвижению. ПослЪд иже смыслиша глаголюще, еда како нЪсмы достоины прикасатися, того ради нам и возбранися на погребение. Тогда убо начаша искушати по единому кому ся даде понести оное тЪло, и кому ся не даде. В искушении же том едва обрЪтеся тройца мужей благоговЪйных, и в житии добром от всЪх живущих свЪдителствованнии сим убо в гробъ внестис невозбраняет его же погребоша чтено. По погребению же ономь, птищ сЪдящий на церкви, и блюдый оное тЪло отлетЪ и к тому невидим быст. Таж егда совершися год в гробЪ оному тЪлу бысть, явление ангельско к нЪкоему епископу благочтиву, сиротолюбцю, и в всем свЪдителствованну от совЪсти и жития, яко есть заповЪдем Христовым хранитель. К нему же возгласи глаголя: изнеси сокровище сокровенное тамо, яко да ся славить Бога К сему же бысть и Варлаамово явление с негодованием глаголя: доколЪ мя в затворЪ темница сея держите, яко да не подам помощ бЪдствующим и страждущим от различных недуг и искушений бЪсовских. Да познают его же возмнЪша обезчестити; обезчестятся и вЪчне поругаются. Его же возмнЪша убити, се ныне жив есмь, и сих убити начинаю и погублю и иствари божие. Да не гнЪздися диаволское племя иждену, и сосуды жилища Божия очищу, и посвящу, и Бога в молитве быти сотворю. ИзнесЪте убо мя на явление всему миру, о епископе -. Таж востав епископ с ужасом от сна и разсуди явление бывшее. Тогда убо абие устремися до града охридского, и созывае православных, извЪствуя им случшаяся. Они же се слышавше ревностию огня любовного разжегошася, и молиша епископа, яко да беззакоснЪния пойдут купно с ним, и донесут чтсно мощи блаженного от оное веси до града охридского. Епископ же совЪту и молению их тощно послЪдова. Обаче да не зависть бЪсовская препнет их начинание, молву творя к безбожных турцев, и да не возбранится имь желаемое получити. Ухитрише совЪт гласны сотворити, яко же древле Иосиф с Никодимом, умолише Пилата да повели им, яко проста странника неимуща ниоткуду промышление, се есть Христа погребсти, спокрывше же его славу, вЪдяще убо яко Творец и строитель всего мира есть. Но того ради спокрывают, яко да скоро получат (без потрясения совЪсти и страха нЪкоего при вшедшего в Пилата на разсуждение) Христово ТЪло погребсти. Аще бо бы от славы прошение начинали, не бы убо на погребение ТЪло Исусово прияли, тЪм же от бесчестия начинают, сего ради скоро получают. Глаголюще к Пилату: О судия, дай нам того бЪдника и сирамаха убитого, неимуща где главу преклонити, да его погребем. Он же повелЪ и произволи. Сице убо и охридяне отшедши до кадии и во прочих строителей турских мЪста охридского, спокрывше убо яввение о ВарлаамЪ и чюдо яже сотвори и творити хощет. Оттуду прошение начинают глаголюще: О кадиа, и вы панове начални града сего, слышасте убо яко без вины и грЪха убиен есть убогий епископ нашего града от убиец в градЪ ВелисЪ живущих, и погребен быст тамо и тамо безчестно; нынЪ же мы воспомянухом яко се сирамах бЪ от нашего града рождением. Здъ же и епископом быти сподобися, молимо вас повелЪте убо нам да донесем своего мертвеца на его очество, вам же и мзда будет от нас, что всхощете, точию да нам искомое даруете. Они же слышавши мзду болшей ради оное, неже ради прошения, от них же достойное узявши произволиша да донесут блаженного Варлаама в град охридский. Тогда убо взявши власть, и произволение от властей града охридского, православнии христиане отидоша купно сЪ Ъмь епископом за оного тЪло и дошедше сотвориша прежде послЪдование молитвы по обычаю законному. Таж изнесоша оные мощи от гроба и поставиша их на утворенном одрЪ, но о чюдеси, егда убо бЪ обзираемо оное тЪло по посЪченых язвах сих и убо язвы бяху исцЪлены и позарасли, яко ничтоже познаватися сЪчению и клатию и пробиению, точию малые нЪкие знамения, идеже пробиен и посЪчен быст являхуся; от язв же сих, о чюдна дЪла твоя Господи, и не едино слово доволно к похвалению чюдес твоих, миро благоуханное истече; и всех благоухания и радости исполни, яко недоумЪти всЪм, коими усты и славословлениями прославити Бога, прославившего святого своего, начнуть и благодарением благодать и дар сицев даровавшего им блаженого и освященого Варлаама взмздя. Но убо елико вмЪстиша, толико Богу должная славословия сотвориша. Тогда убо приходят болящии и различными недуги и страстьми одержимые во имя святого прикосновением и помазанием мира, абие здравие обрЪтаю и от недуг и страстей свобождаются, и якоже нЪкоим ратником от насилия и плЪнения диавольского прикосновением телеси блаженного от сих бЪд и страдании отемлются и в свободу здравия отсилаю: и исцЪление кождо своему недугу приемлють. И бЪ видЪти источник здраво твореный от мертвых и нагих костей исходящ и животворящ страждущая, и утЪшение, и здравие дарующе, и кто убо не удивися и не прославит Бога дивного в святых своих, иже толику силу даде угодником своим, яко и по смерти паче неже в здравии жизни сея власть имуть чюдо творити, бЪсы изганяти, недуги врачевати, болящая исцЪляти. От бЪд и приключшихся напастий избавляти. Слава Владыко твоей неизреченнЪй премудрости и силЪ. Слава таинству смерти и Распятию Твоему. Слава Кресту и безчтию Твоему. Слава вскресению и СлавЪ Твоей, яко Крестом и смертию поносною нас прославляеши: и от лукавого вЪка сего в царство небесное препосиши. Да будет Слава ныне и присно и во веки вЪков аминь. Таже торжествовавше духовно они, христоноснии людии о ВарлаамЪ, взяша его в град охридский и положища в церкви охридское архиепскии, идеже безспрестанно точит цЪлбы и благодать дарует ищущим благодати. Лици убо искусом реченное видЪти хощете, до града охридского странствуйте, тогда увЪришася и извЪстиши, яко не басни суть, но еже глаголю. Елици же странничества непроизволяете, и мЪстом отчеств своих присЪдите, дЪлом вЪру покажЪте и добродЪтели, и житию, и подвигу, и вЪлцу Варлаамову поревнуйте, да и вы сию благодать свышше получите. Еже вам пожелати Господи дажд. Аминь

  

  
СТАТИСТИКА

  Веб-дизайн © Kirsoft KSNews™, 2001