Влес Кнiга  Iсходны словесы | Выразе | Азбуковник | О памянте | Будеславль 
  на первую страницу Весте | Оуказiцы   
Иван Вишенский. СлЪд краткий
от 24.01.08
  
О памянте


СлЪд краткий, приводящий к постыжению и изучению художества, приводящего к царствующей безсмертной и вЪчной правдЪ

Первое, обнищати по ХристЪ. Второе, отрещися себе и душу свою к жизни сей возненавидЪти. Третее, ярем Креста Христова, искусов борбы, подвигов во мысли и плоти к духом, лукавым поднебным во терпении взявши преплыти и тЪснотою албы и жажды со вниманием непресЪкомое молитвы Исусовы тиснутися и плоть и кровь поть и подвигом мысляного внимания во бдении нощном и дневном трезвЪнии и присЪдЪнии мЪстном и безмолвном увялити и изсушити. Четвертое, любовь и память мира сего уморити, к будущему же вЪку око мысляное неуклонно устремити, царя небесного усердно желати, каятися, плакати, память смертную всЪгды в клЪти сердечной видЪти и безпрестанно поминати и навсяк час черту и днъ отходу надЪятися и готовити. Пятое, от всея силы, крЪпости, мысли, души и срдца волю Божию погнати, свою же убити и запамятанем погребсти; заповЪди Христовы от всего усердия и любви хранити и хранящи всегда вопредняя успЪвати, сотоворенное же забывати, яко ничтоже сотоворени. Шестое, бесчестия и смерти крестом вомЪняти: но оное в мирЪ сем желати и искати: аще убо кой тым слЪдом ко исканию безсмертной правды пойдет, изучит и обряще прекраснЪйшую и свЪтозарнЪйшую правду и узри в ней прежде общаго вскресния воскресние и вся таинства, их же язык по Павлу изгласити неможе, и недовлЪет и не постигнет. Аще же инако пачеже внЪшним учением правды таинство постигнути и навыкнути хощет и усилуется, во антихристову прелесть и гордость, идеже и латинский род заблудил, или вопрочая ереси тоеж майсторЪ и художества князя мистра диавола сына геенского, блазнителя вЪка сего вЪпаде; от него же да вас сохрани Христос благословенною простотою аминь. Си бо святый аще и внЪшнее учение изучиша, но ничтоже о истиннЪ от философского кичения навыкнути возмогоша дондеже сие обезчестиша, и тЪсного пути слЪдомь разума Христова поидоша, его же обрЪтше тогда истинно навыкоша, смирение достигоша, и наставници слЪпым и невЪдущим Бога и пути спасения быша, нынЪ же в латинском родЪ сопротивно творя изучивши грамматичку и празнословницу велерЪчную, еже ее рыторичку, тогда у же ся дмуть, даскалами и дмрыми ся зову, проповЪдают, учать а и сами к безумии и буйствЪ премудрости мира сего сЪдять, по Павлу, премудрость бо мира сего буйство есть пред Богом. Зачим бЪдници простоты смирения, и беззлобия николи же навыкнути не могут

  

  
СТАТИСТИКА

  Веб-дизайн © Kirsoft KSNews™, 2001