Влес Кнiга  Iсходны словесы | Выразе | Азбуковник | О памянте | Будеславль 
  на первую страницу Весте | Оуказiцы   
Иван Вишенский. О еретиках, что есть имя ересь
от 24.01.08
  
О памянте


О еретиках, что есть имя ересь и что благочестие

Но сие убо о латинской прелести краткословне речеся. О прочиих же иересех нетребЪ вам есть и писати. Сами бо вы извЪстно вЪсте от писания апостольского и святых богоносных отцов, яко еретици суть предидущие лжепророци антихристовы аще и от латины воскреснути хоще, но сЪмя прелести от единого майстра диавола посеянное в себЪ плода нося, и невЪрием явственно изобразують. О них же Иоан Богослов, Петр, Июда и Павел, довольно извЪствуют, яко и слЪпому разсуждене имущему ощутити есть мощно, ибо Петр рече Быша же лживы пророци в людех, якоже и вва будут лживии учители, еже внесуть ереси погибели, и искупивша го их Влдки отмЪтающеся, приводяще себЪ скору погибель, и мнози послЪдствуют их нечистотам и прочая. Сему же и Павел последуя рече Еретика человека попервом и втором наказании отрецайся, вЪдый, яко развратися таковы, и есть само осужден а понеже еретик есть осужден, то что ты хощеши православний христианине, или ищещи слышать что здраво от него; ничто же другое, точию да и ты осужден будеши. Глаголя бо рече ему радоватися, сЪобщаеся ему невЪриемь и како небоишися бесЪдовати с змиею, дали невЪси, яко жало смертоносное и яд губительный в устах носит, им же послушающих умерщвляеть. Блюди православный христиане да не отруишися ереси зловЪрием. Вопрос, что есть ересь? ОтвЪт: ересь есть нечестие, развращенны ум, прелесть мнЪния изнеможения, помысла, сомнЪние о истиннЪ, двоедушие, слепота мысляная, конечное же невЪрие. Вопрос, что есть благочестие? ОтвЪт: благочестие есть безиспытно несуминЪнна вЪра, упование истинно, крЪпоумнодушевная, здравый помысл, благовЪнство к Богу, простота, незлобие конечное: да вЪси убо рече Тимофею Како ти подобаеть в дому Божии жити, яже есть церкви Бога жива, столп и утверждение истинны, исповЪдуемый, велика ее блочтия тайна, Бог явися во плоти и прочая. А понеже се есть тайна яко Бог явися в плоти, како убо еретики невЪруют Павловому речению и прочиих апостолов яко се есть тайна, но тщатся земным помыслом паче помысла, сию тайну постигнути и яко что от земных и в руку обносящих извЪстно увидЪти. Видиши ли прелесть ересь, нечестие, безумие, слЪпоту и злонравие: но что о еретиках много требЪ есть глаголяти, сии бо аще бы не образ Божий трехпостасный умаслова, и духа в плоти обносили, законом и житием от свиний безсловесных ничим же разнствую, где бо в ных вЪра, где церковь, где священство, где жертва, где правило, где словословие, где пост и обуздание естества, где дух, не все ли плоть и кровь, и питание безвременно свиньского законъ: О них же и Петр рече: сии же яко скоти животни естеством бывше в погибель и тлю в них же неразумЪють хуляще, в истлЪнии своем истлЪют: и паки, сласть мняще вседневное насышение сквернители и порочници, питающееся лестьми своими, ядущи с вами, очи имуще исполнЪ блудодЪяния и непрестаемого грЪха, прелщающе души неутвержденны и прочая: такожде Июда рече, сии елика убо не вЪдая хулять елика же по естеству яко безсловесная животная вЪдя, всих сквернятися; и прочая: и паки сии суть Боголябвах ваших сквернители с вами ядуще без болезни себе насуще, и прочи: и паки, сии суть ропотници, ускорители часа порочна в похотех своих ходяще, нечестием и законопреступлением и уста их глаголют прегордая, чудящеся лицем ползы ради. Вы же возлюбленнии, поминайте глаголы прежде реченныя от Апостолов Господа нашего Исуса Христа; зане глагоху вам, яко в послЪднее время будут ругатели, по своих похотех ходяще и нечестеих, сии суть отдЪляюще себе от единости вЪры и суть телесни духа неимуще. Видиши ли мудрость еретическую, яко плоть и кровь суть духа не имЪють. Плоть же и кровь по Ап. Павла глаголю, царствия Божия не наслЪдять. Сего ради Июдино и Петрово к вам глаголю. Вы же возлюбленнии, православнии христиане роде избранный, языку святый, царское сщение, людие обновленния, святою вашею вЪрою, назижающе себе духом святым и молящеся сами себе к любви Божии соблюдайте. Ждуще милости Господа нашего Исуса Христа в жизнь вЪчную, ея же всЪмь нам получити, о самом том ИсусЪ ХристЪ ГосподЪ нашем. С ним же Оцю слава честь и держава и во вЪки вЪков аминь

  

  
СТАТИСТИКА

  Веб-дизайн © Kirsoft KSNews™, 2001